काठमाडौँ । विश्व स्वास्थ्य संगठन (डब्लुएचओ) ले मंगलबार नयाँ कोभिड–१९ संस्करण जेएन.१ लाई ‘भेरिएन्ट अफ इन्ट्रेस्ट’ को रूपमा वर्णन गरेको छ । संगठनका अनुसार प्रमाणहरूले यो भेरेएन्टले मानिसहरूको स्वास्थ्यमा भने कम जोखिम निम्त्याउने देखाएको छ।
समाचार एजेन्सी रोयटर्सका अनुसार दुई विज्ञहरूले कोभिड–१९ को अन्य भेरिएन्टको तुलनामा यो स्ट्रेन सजिलैसँग प्रतिरक्षा प्रणालीमा प्रवेश गर्न सक्ने बताएका छन् तर अहिलेसम्म यो भेरिएन्टले गम्भीर खतरा निम्त्याएको कुनै पनि प्रमाण भेटिएको छैन।
जोन्स हप्किन्स ब्लूमबर्ग स्कूल अफ पब्लिक हेल्थका भाइरोलोजिस्ट एन्ड्र्यू पेकोसले रोयटर्सलाई भेरिएन्टमा धेरै केसहरू हुन सक्छन् तर यसले गम्भीर स्वास्थ्य खतरामा नपार्ने बताएका छन् । डब्ल्यूएचओले जेएन।१ को गम्भीर सङ्क्रमणमा भने विद्यमान खोप प्रभावकारी नहुने बताएको छ।
छिमेकी राष्ट्र भारतको केरलमा यस नयाँ भेरिएन्टका केसहरू रिपोर्ट गरिएका छन्। यद्यपि, नयाँ भेरियन्टका केसहरूको सही सङ्ख्या निश्चित गरिएको छैन किनभने यो भेरिएन्ट जिनोम सिक्वेन्सिङमा मात्र प्रकट हुन्छ । तर, केही दिनयता प्रदेशमा कोरोना सङ्क्रमितको सङ्ख्या बढ्दै गएको छ । –बीबीसी