काठमाडौं । आज मंगलबार नेकपा एमालेको समृद्धिका लागि संकल्प यात्राको छैटौं दिन रुकुमकोट सभा हुँदै छ ।
विशेषगरी सुर्खेतबाट पूर्वी रुकुमको रुकुमकोट पुग्न यात्रा टोलीले करिब २ सय किलोमिटर दुरी छ । सोमबार दैलेखबाट सुर्खेत आउने क्रममा ठाउँठाउँमा पानी परे पनि कार्यक्रमहरु भब्य भएको बताइएको छ ।
आज मंगलबारको यात्रा बिहान ८ बजे सुरु हुने एमाले नेताले जानकारी दिइए । यस्तै आज सुर्खेतकै सिम्तामा बिहानको खाना खाने कार्यक्रम रहेको बताइएको छ । उक्त यात्राका क्रममा अध्यक्ष केपी शर्मा ओलीले भेरी बबइ डाइभर्सनको निरीक्षण गर्ने, सल्लीबजार, छेडे बजार, सेरी गाउँ, मुसिकोट लगायतका ठाउँमा स्थानीय नेता कार्यकर्ता र शुभेच्छुकहरुलाई भेटघाट गर्ने भनिएको छ ।
यस्तै भूकम्पले क्षतिग्रस्त भएको रुकुमको चौरजहारीमा पुननिर्माण सम्बन्धी छलफल हुने एमालेले बताएको छ ।