इजरायलमा रहेका नेपालीलाई लिन गएको नेपाल एयरलाइन्सको विमान तेलअभिभमा अवतरण
इजरायलमा रहेका नेपालीहरूलाई लिन गएको नेपाल एयरलाइन्सको विमान तेल अभिभमा अवतरण गरेको छ ।
नेपाल एयरलाइन्सको विमान नेपाली समयाअनुसार दिउँसो २ बजे तेल अभिभमा अवतरण गरेको परराष्ट्र मन्त्रालयले जनाएको छ ।
काठमाडौंबाट बिहीबार बिहान साढे ३ बजे उडेको नेपाल एयरलाइन्सको विमान दुबईलाई ‘टान्जिट’ बनाएर इजरायल पुगेको हो । नेपाल फर्कन चाहने नेपालीहरूलाई लिन परराष्ट्रमन्त्री एनपी साउद पनि गएका छन् ।
इजरायलको समय अनुसार राति सवा ९ बजे काठमाडौंका लागि प्रस्थान गर्ने परराष्ट्रमन्त्री साउदको सचिवालयले जनाएको छ ।