काठमाडौं । पछिल्लो समय काठमाडौं उपत्यकाको तापक्रम दैनिक घट्दो क्रममा छ । आज काठमाडौंको तापक्रम यस वर्षको अहिलेसम्मकै सबैभन्दा कम मापन गरिएको छ

हिजो बुधबार काठमाडौंको न्यूनतम तापक्रम ५ डिग्री सेल्सियस थियो भने आज बिहानको न्यूनतम तापक्रम ४ दशमलव ५ डिग्री सेल्सियस मापन भएको मौसमविद् रोजन लामिछानेले बताउनुभयो । लामिछानेका अनुसार काठमाडौंमा आज सबैभन्दा कम तापक्रम मापन भएको छ जुन अहिलेसम्मकै कम हो र यो अझै घट्ने सम्भावना रहेको छ ।

विशेषगरी काठमाडौं उपत्यकाको आज बिहान ५ः४५ बजे ४ दशमलव ८ डिग्री सेल्सियस मापन गरिएको न्यूनतम तापक्रम ८ः४५ बजे घटेर ४ दशमलव ५ डिग्री सेल्सियस कायम भएको मौसम पूर्वानुमान महाशाखाले बताएको छ ।